Շուշիի Առանձնակի Գումարտակի Հրամանատար' Ժիրայր Սէֆիլեանը ի վեր Մնում է կալանավոր “ԱԶԱ˜Տ” Հայաստանում:

Ժիրայր  Սէ‎ֆիլյանի որդու  ուղերձը Համաժողովրդական Շարժման հավաքին (video)     

 Պայքար, պայքար մինչեւ վերջ

Բացառիկ Զրույց ԺԻՐԱՅՐ ՍԵՖԻԼՅԱՆի Հետ                                    Հաղթանակը անխուսափելի է       

10 Մայիս 2008

Եկեղեցին վտանգում է պետականությունը

aravot

Պատմաբան Համլետ Դավթյանի մեկնաբանությունները

"Մեզ անծանոթ Վարդանանց պատերազմը" պատմաբան, հրապարակախոս Համլետ Դավթյանի աշխատության երկրորդ՝ լրացված հրատարակությունն է: Հեղինակի համոզմամբ, Հայաստանյայց առաքելական եկեղեցին՝ մշտապես ձգտելով առանձնահատուկ դիրքի բոլոր ժամանակներում, իր գործունեությունը նպատակաուղղել է սեփական հոգեւոր իշխանության ամրապնդմանը եւ հայության վրա բացարձակ իրավունքներ ստանալու համար նույնիսկ նպաստել է հայկական անկախ պետականությունների վերացմանը: Կարդալ Ամբողջությամբ

9 Մայիս 2008

Ժիրայր Սէֆիլյանի պատասխանները "Առավոտ", "Հրապարակ", "Հայք", "Հայկական ժամանակ" թերթերի և "Ա1+" էլեկտրոնային թերթի լրագրողների հարցերին

Ղարաբաղյան պատերազմի հաջողությունների մեջ քիչ չէ ձեր եւ ձեր այն ընկերների վաստակը, որ այսօր ազատազրկված են: Որն է լինելու ձեր առաջին քայլը ազատություն ստանալուց հետո:

 Լինելու է այն, ինչ փորձում էինք իրականացնել մինչև ապօրինի մեր ձերբակալումը: Այն ժամանակ մեր նպատակը իր մեջ պարունակել է գլխավորապես երկու խնդիր. (ա) չթողնել հրեշավոր մակարդակի հասած այս ռեժիմի վերարտադրվելը, (բ) ձևավորել հայկական բարոյական մի շարժում, որից պետք է ծնվի ապագա բարոյական Հայաստանի կերտման գործում մեծ դերակատարություն ունեցող կազմակերպություն: Կարդալ Ամբողջությամբ

«Շուշին ազատագրվեց, ազատագրողներն ազատազրկվեցին»

Երկու օր շարունակ հացադուլի նստած երկրապահներն իրենց բողոքն արտահայտում էին «Շուշին ազատագրվեց, ազատագրողներն ազատազրկվեցին» ցուցապաստառով: Գյումրիի ԵԿՄ-ն հայտարարել էր, որ եթե Շիրակի մարզի ընդհանուր իրավասության դատարանի դատավոր Վահե Խալաթյանը չփոխի քաղաքական հայացքների համար հալածվող իրենց հրամանատար Աշոտ Զաքարյանի խափանման միջոցն ու նրան ազատ չարձակի, ապա իրենք կդիմեն 24-ժամյա նախազգուշական հացադուլի: Նախորդ օրը երիտասարդ դատավորը լսել անգամ չուզեց ազատամարտիկներին, ուստիեւ նրանք, դուրս գալով դատարանից, Գյումրիի ԵԿՄ գրասենյակում սկսեցին բողոքի ակցիան:

8 Մայիս 2008

Տեր-Պետրոսյանն Այցելեց Եռաբլուր

Վերջին տարիների ընթացքում առաջին անգամ Եռաբլուր պանթեոնում մայիսի 8-ին հաղթական ու տոնական տրամադրությունը բացակայում էր. պատճառը բացատրում էին Եռաբլուր այցելած երկրապահները: ՚Մեր ընկերները անազատության մեջ են, մենք ո՞նց կարող ենք տոն նշել, քեֆ անելՙ,- ասում էին նրանք: Թերեւս միայն ՀՀ առաջին նախագահ Լեւոն Տեր-Պետրոսյանի այցելության պահին եւ ընթացքում թեւածեց հաղթական ոգի, երբ հազարից ավելի մարդիկ, ովքեր սպասում էին, որ առաջին նախագահի հետ իրենց հարգանքի տուրքը մատուցեն Արցախի ազատագրման համար զոհված հայորդիների հիշատակին` նախագահին տեսնելով սկսեցին ծափահարել եւ վանկարկել ՚հաղթանակՙ:

Քոչարյանը երբեք առնչություն չի ունեցել ռազմական գործողությունների և դրանց ղեկավարման հետ

ժամանակ Երեվան

Հարց - Լևոն Տեր-Պետրոսյանի դեմ ծավալված քարոզչության շրջանակներում, վերջերս կրկնվում է մի միտք, թե առաջին նախագահը դեմ է եղել հարձակվողական գործողությունների իրականացմանը, տեղյակ չի եղել դրանց անցկացման թվականներին: Նույն միտքը ասվում է նաև Շուշիի ազատագրման մասին: Մեկնաբանեք խնդրեմ:

Պատասխան - Սա անհեթեթություն է: Լևոն Տեր-Պետրոսյանը երկրի նախագահն էր և որպես գերագույն գլխավոր հրամանատար նա չէր կարող չիմանալ գործողությունների անցկացման թվականների մասին: Կարդալ Ամբողջությամբ

7 Մայիս 2008

"ԼԵՎՈՆԸ ԱՐՑԱԽԸ ՀԱՆՁՆՈՂ ՆԱԽԱԳԱՀ ՉԷ"

a1plus

Արդեն 2-րդ տարին է ՚Հայ Կամավորականների Համախմբմանՙ եւ ՚Ազատագրված տարածքների պաշտպանությունՙ հասարակական նախաձեռնության համակարգող, պատերազմի տարիներին Շուշիի առանձնակի գումարտակի հրամանատար, առաջին աստիճանի ՚Մարտական Խաչՙ շքանշանի ասպետ Ժիրայր Սեֆիլյանը Շուշիի ազատագրման օրը` մայիսի 9-ը դիմավորում է անազատության մեջ: ՚Վարդաշենՙ քրեկատարողական հիմնարկից Սեֆիլյանը պատասխանել է ՚Ա1+ՙ-ի հարցերին: Կարդալ Ամբողջությամբ

Մայիսի 8-Ին` Ժամը 13-Ին, Եռաբլուրում

Մայիսի 8-ը Երկրապահի օրն է: Այս առթիվ երեկ Համազգային շարժման կենտրոնը հանդես է եկել հայտարարությամբ, որտեղ, մասնավորապես, նշվում է. «Ազատության դեմ բռնաճնշումները թուլացնում են երկրի անվտանգությունը£ Հաղթանակել կարող է ազատ ժողովուրդը, ազատ մարդը. չի կարելի երկրում կործանել ազատությունը եւ հաղթանակների մասին խոսել£ Ուստիեւ երկրապահը անմնացորդ միացավ հանուն ազատության մղվող համաժողովրդական պայքարին£ Իրենց կոչումն իրականացնելու համար` նրանցից շատերը ժամանակին զոհվեցին եւ հանգչում են Եռաբլուրում, շատերը հաշմանդամներ են£ Իսկ այսօր նրանք՝ Լեռնային Ղարաբաղն ազատագրած, Հայաստանի սահմանները պաշտպանած, իրենց ու ուրիշների ազատության համար պայքարած հերոսները, բանտարկյալներ են... Ժողովուրդը չի հանդուրժելու, որ իր հերոսները նստեն բանտերում, եւ մայիսը դարձնելու է բոլոր քաղբանտարկյալների ազատության ամիս: Երկրապահի օրը՝ մայիսի 8-ին, ժամը 13.00-ին, մենք որպես հարգանքի տուրք ծաղիկներ կդնենք Եռաբլուրում հանգչող հերոս ազատամարտիկների շիրիմներին՝ ցուցադրելով նաեւ մեր երկրում քաղբանտարկյալներ չհանդուրժելու ժողովրդի վճռականությունը»,- ասված է հայտարարության մեջ:

Ալվինա Զաքարյանին Սեֆիլյանի Արժանիքներն Անծանո՞Թ Են

Քաղաքացիություն ձեռք բերելու համար անձը ինքը պետք է ներկայացնի բոլոր անհրաժեշտ փաստաթղթերի փաթեթը, այդ թվում նաեւ՝ օրենքը պահանջում է, որ անձը ինքը լրացնի իր դիմում-հարցաթերթիկը: Կա նաեւ ՀՀ Սահմանադրության իմացության թեստ: Ի՞նչ է նշանակում լիազորված անձը դիմել է քաղաքացիություն ստանալու համար: Դա օրենք չէ, տվյալ անձը պետք է անձամբ դիմի եւ ոչ թե լիազորված անձի միջոցովՙ, Բացի այդ՝ ՀՀ Ոստիկանության անձնագրերի եւ վիզաների վարչության պետ Ալվինա Զաքարյանը՝  ավելացրեց, որ Ժիրայր Սեֆիլյանը ժամանակին էլի դիմել է նույն հարցով եւ մերժվել: Պատճառաբանությունը եղել է այն, որ Սեֆիլյանի գործունեությունն այստեղ ՚խանգարում է հասարակական կարգըՙ: ՚ 

Ազատագրում: Մի հարց տանք Ալվինային ժողովրդի վրա կրակելը,  ինչպէս արեց իր 'շեֆ' Քոջարյանը,  ՚խանգարու՞մ է հասարակական կարգըՙ կամ ոչ:

Ազատամարտիկները Սկսեցին Հացադուլ

Շիրակի մարզի ընդհանուր իրավասությունների դատարանում դատական նիստն սկսվեց ժամը 13:35-ին. շարունակվում էր ՚Ժողովրդավարական հայրենիքՙ կուսակցության նախագահ Պետրոս Մակեյանի, Գյումրիի զինվորական ոստիկանության նախկին պետ Աշոտ Զաքարյանի եւ Լեւոն Տեր-Պետրոսյանի վստահված անձ Շոթա Սաղաթելյանի գործով դատական նիստը: Այս անգամ եւս Պետրոս Մակեյանի, Աշոտ Զաքարյանի եւ Շոթա Սաղաթելյանի կողմնակիցներն բողոքի ակցիա էին կազմակերպել Շիրակի մարզի ընդհանուր իրավասությունների դատարանի շենքի մոտ: Իսկ մինչ այդ, ի պաշտպանություն մեղադրվողների, հացադուլ են հայտարարել գյումրեցի 20 ազատամարտիկներ:

6 Մայիս 2008

 Համաժողովրդական Շարժման 2-րդ Կոնգրեսի Հայտարարությունը

Մերժելով վարչախմբի կողմից երկրում ստեղծված քաղաքական, սոցիալ-տնտեսական եւ բարոյահոգեբանական արատավոր համակարգը եւ միավորվելով լայնածավալ ժողովրդավարական շարժման մեջ, Հայաստանի ժողովուրդը 2008 նախագահական ընտրություններում կրկին ելավ վարչախմբի դեմ համաժողովրդական պայքարի: Կարդալ Ամբողջությամբ

Գյումրեցի Ազատամարտիկները Հացադուլ Կանեն

Գյումրիի երկրապահ կամավորականները պատրաստվում են մայիսի 7-ին միջնորդություն ներկայացնել դատարանին՝ Գյումրիի զինվորական ոստիկանության նախկին պետ Աշոտ Զաքարյանի խափանման միջոցը փոխելու վերաբերյալ: Իրենց պահանջը չբավարարելու դեպքում երկրապահները, նաեւ հաշմանդամ, կհայտարարեն հացադուլ: Ազատամարտիկներն ակնկալում են, որ Շուշիի ազատագրման տոնական օրն իշխանավորները զիջողամտություն կցուցաբերեն եւ ազատ կարձակեն Աշոտ Զաքարյանին ու մյուս քաղբանտարկյալներին:

Ազատ Արձակել  Մարտական Ընկերներին

Դաշտային հրամանատարների խորհուրդը, որի կազմում առայժմ 3 հրամանատար կա` Արկադի Կարապետյանը, Միքայել Ապրեսյանը եւ Վլադիմիր Առաքելյանը, այսօր հանդես են եկել հայտարարությամբ` պահանջելով ազատ արձակել իրենց մարտական ընկերներին եւ բոլոր քաղբանտարկյալներին, վերջ դնել քաղաքական հայացքների համար հետապնդումներին: ՚Այսպիսի իրականության մեջ երկիրը չի կարող զարգանալ բնականոն հունով, ավելին` կարող ենք կորցնել այն, ինչ ձեռք ենք բերել ծանր կորուստների գնովՙ,-կարծում են հայտարարության հեղինակները:

4 Մայիս 2008

քաղաքական վերլուծում

Իշխանությունների եվ Ընդդիմության Երկխոսությունը Հնարավո՞ր Է

lragir

Հայաստանի առաջին նախագահ Լեւոն Տեր-Պետրոսյանը նախընտրական եւ հետընտրական իրադարձությունների մեղքը փաստորեն դրել է նախկին նախագահ Ռոբերտ Քոչարյանի վրա: Համաժողովրդական երկրորդ կոնգրեսում հնչած իր ելույթում նա ասել է, որ Սերժ Սարգսյանն, իհարկե, կարող էր կանխել որոշ քայլեր, սակայն ընդհանուր առմամբ, նա չէր կարող ազդել Ռ. Քոչարյանի վրա:
Այսպիսով, Լ. Տեր-Պետրոսյանը, թվում է, արձանագրել է Ռ. Քոչարյանի դարաշրջանի վերջը: Մի մարդու, որի մասին նրա պաշտոնը թողնելուց հետո քիչ բան է հայտնի, սակայն նրա ներկայությունն ակնհայտ երեւում է բոլոր քաղաքական գործընթացներում: Ռ. Քոչարյանի դարաշրջանի վրա վերջակետ, համենայնդեպս` ստորակետ դնելու մտադրության մասին հայտարարել է նաեւ նախագահ հռչակված Սերժ Սարգսյանը:  Կարդալ Ամբողջությամբ

3 Մայիս 2008

Շուշիի Ազատագրման Օրը` Սգո Օր

Հաշմանդամի սայլակին գամված ազատամարտիկ Արշավիր Բոզինյանը, Ռոբերտ Քոչարյանին եւ Սերժ Սարգսյանին կոչ արեց այսուհետ զգուշ լինել ղարաբաղցիների եւ հայաստանցիների, ընդհանրապես հայ ժողովրդի տարբեր հատվածների մեջ սեպ խրելուց: Ազատամարտիկին զայրացնում է նաեւ գործող իշխանությունների կողմից արցախյան պատերազմի հաղթանակի յուրացումը.՚Ես պատերազմի ընթացքում նաեւ կապավոր եմ եղել, անկեղծ եմ ասում, երբեք Ռոբերտ Քոչարյանի կամ Սերժ Սարգսյանի ձեռքին զենք չեմ տեսել: Ի դեպ, մայիսի 9-ը` Շուշիի Ազատագրման Օրը Այս Տարի Հաշմանդամ Ազատամարտիկը Իր Ընկերների Հետ Հայտարարում Են Սգո Օր.՚Ինչ տոնի մասին է խոսքը երբ մեր իրական հերոսները` Շուշիի առանձնակի գումարտակի հրամանատրը, Վարդան Մալխասյանը եւ մեր մյուս ընկերները անազատության մեջ ենՙ:

2 Մայիս 2008

Լեվոն Տեր-Պետրոսյանի Ելույթը Համաժողովրդական Շարժման 2-րդ Կոնգրեսում

Մի բան պետք է պարզ լինի թե՜ Հայաստանի իշխանությունների, թե՜ միջ­ազգային հանրության համար, այն է՝ փետրվարյան վերջին տասնօրյակի ազատության վայելքը ճաշակած արժանապատիվ հասարակության հաղթա­կան երթն անկասելի է։

Բախում, Թե՞ Սպանդ

Քոչարյանա-սերժական քարոզչությունը փորձում է 2008 թ. մարտի 1-ի իրադարձությունները ներկայացնել որպես ընդդիմության կողմից հրահրված բախում ցուցարարների եւ ոստիկանական ուժերի միջեւ։ Այդ նպատակով քրեական վարչախումբը գործի է դրել ստի, կեղծիքի, զրպարտության, փաստերի աղավաղման իր ողջ զինանոցը, իսկ իրավապահ մարմինները՝ ոստիկանությունը, դատախազությունը եւ դատարանները ջանադրաբար լծվել են նշված վարկածի ՚իրավականՙ հիմնավորման հանցավոր գործին։ Նրանցից պահանջվում է ապացուցել անապացուցելին՝ զոհին դարձնել դահիճ, իսկ դահճին՝ զոհ, խնդիր, որ նրանք, վստահաբար, կլուծեն հասարակական ճնշման բացակայության եւ միջազգային հանրության անտարբերության պարագայում։ Կարդալ Ամբողջությամբ

եթե ոստիկաններն իսկապես խուզարկության կամ ցրվելու պահանջ ներկայացրած լինեին ցուցարարներին, մի՞թե պարզ չէ, որ իշխանություններն այդ տեսարանը հարյուր անգամ արդեն ցուցադրած կլինեին իրենց հեուստաալիքներով։ Եւ երկրորդ. աշխարհի ոչ մի երկրում դեռեւս տեսնված չէ, որ իրավապահ մարմինները խուզարկության գնան շուրջ երեք-չորս հազար ոստիկաններով։ Կարդալ Ամբողջությամբ

Եթե իշխանությունները սուտ են խոսում, դա կարող է միայն մեկ բան նշանակել՝ այն է, որ նրանք թաքցնելու բան ունեն, այլապես հարկադրված չէին լինի դիմելու նման անպատվաբեր միջոցի։ Ինչ‑որ բան թաքցնելու անհրաժեշտությունը թելադրված է նրանից, որ իշխանությունները խաղաղ ցուցարարների դեմ բռնություն գործադրելու եւ ընդդիմությունը ջախջախելու ծրագիրը սառնասրտորեն մշակել են մարտի 1‑ի իրադարձություններից դեռեւս մեկ շաբաթ առաջ։