 |
Դաշնակցությունը կոալիցիայից դու՞րս է գալիս
25/04/09 /PanARMENIAN.Net/
Հենց
այս պահին ավարտվել է ՀՅ
"Դաշնակցություն"
կուսակցության փակ նիստը:
Տեղեկացված աղբյուրներից
PanARMENIAN.Net-ի
թղթակցին հայտնի է դարձել,
որ
այսօրվա քննարկման օրակարգում ընդամենը մեկ հարց էր`
կոալիցիայից դուրս գալը եւ ընդդիմությանն անցնելը:
Ինչպես
հաղորդում է աղբյուրը,
կոալիցիյից դուրս գալու որոշումն արդեն ընդունված է,
ավելին
կուսակցությունը որոշել է հրաժարվել իր նախարարական պորտֆելներից:
Հայաստանի ԱԳՆ-ն
ապրիլի
23-ին
ստորագրեց հայ-թուրքական
համատեղ հայտարարությունը
"ճանապարհային
քարտեզի"
մասին:
Մեկնաբանելով տվյալ փաստաթուղթը
PanARMENIAN.Net-ի
թղթակցին`
"Հայ
Դատի"
գրասենյակի ղեկավար Կիրո Մանոյանն այդ նույն օրը երեկոյան հայտարարեց.
"Թուրքական
բարձրագույն ղեկավարության կողմից հնչեցված հայտարարությունները հայ-թուրքական
սահմանի բացումը ղարաբաղյան հարցի լուծման հետ կապելու մասին, Թուրքիայի
նկատմամբ տարածքային պահանջներից հրաժարվելը, հայկական կողմին անկասկած ոչ
ձեռնտու իրադրության մեջ
են
դնում: Այդպիսի պայմաններուն նույնիսկ խորհրդանշական փաստաթղթի ստորագրումը
խոսում է երկրի արտաքին քաղաքական ընթացքը փոխելու մասին: Եւ հարցերի ամբողջ
համալիրն, այդ թվում իշխող կոալիցիայից դուրս գալու հարցը, կուսակցության
կողմից կքննարկվի վաղը":
Կարո՞ղ է արդյոք Հայաստանի նախագահը ընդունել Կարսի պայմանագիրը
25/04/09 /PanARMENIAN.Net/
Հայ
Ազգային Կոնգրեսը (ՀԱԿ) միակ քաղաքական ուժն է, որը Հայոց ցեղասպանության 94-րդ
տարելիցը օգտագործեց իր նպատակների համար: Այդ մասին Երեւանում մամլո ասուլիսի
ժամանակ հայտարարեց "Հայ Դատի" գրասենյակի ղեկավար
Կիրո Մանոյանը`
այդպես էլ չբացատրելով, թե ինչ նկատի ունի: Մանոյանի խոսքերով ՀԱԿ-ի եւ
Հայաստանի այժմյան ղեկավարության դիրքորոշումները հայ-թուրքական
հարաբերությունների հարցում շատ են տարբերվում: "Հայաստանի նախկին երկու
նախագահները Հայաստանի կողմից Կարսի պայմանագրի ընդունման կողմնակիցները չէին,
եւ հուսով եմ, որ չի լինի այնպիսի հայ նախագահ, որը կընդունի այդ պայմանագիրը:
Հայ ժողովուրդը դա թույլ չի տա",- նկատել է "Հայ Դատի" գրասենյակի ղեկավարը`
ավելացնելով, որ Հայոց ցեղասպանության զոհերի հուշահամալիր մարդկանց երեկվա
հոսքը վկայում է հայ ժողովրդի դիմակայության եւ բնազդի մասին:
Կիրո Մանոյանը նաեւ նշեց, որ Հայաստանի ղեկավարությունը պետք է կողմնորոշվի`
մնացել է արդյո՞ք Հայոց ցեղասպանության ճանաչման հարցը երկրի արտաքին
քաղաքականության մեջ, թե ոչ: