Հրանուշ Խառատյան. «Ես գտնում եմ, որ այդ արձանագրություններն արդեն իսկ նախապայմաններով են»

 7or 17/11/09

-Ես գտնում եմ, որ Թուրքիայի կողմից նախապայմաններ արդեն դրված են՝ առնաց նախապայաման բառի։ Եվ եթե արդեն նախապայամաններով են, կարծում եմ, որ նոր նախապայմանների կարիք էլ չկա, և  Թուրքիան գործնականում կարող է և վավերացնել արձանագրությունները,-«7օր»-ի հետ զրույցում խոսելով Թուրքիայի խորհրդարանի կողմից առանց նախապայամանների հայ-թուրքական արձանագրությունների հավանական վավերացման մասին՝ ասել է ազգագրագետ Հրանուշ Խառատյանը։

Նա նշել է, որ արձանագրությունների վավերացումից հետո Թուրքիան կարող է  Հայաստանում  ասված յուրաքանչյուր խոսք ներկայացնել որպես թշնամական գործողություն իր հանդեպ։

-Շատ արագ կսկսվի ակտիվ քարոզչություն, թե Հայաստանը  հարևանների տարածքների անձռնմխելիություն հանդեպ ոտնձգություններ ունի,  և ելնելով պայամանագրային համաձայնությունից՝ ճնշում գործադրի Հայաստանի վրա,-ասել է նա։

Ըստ Հրանուշ Խառատյանի՝ Հայաստանը պետք է շատ ակտիվ  քրոզչություն սկսի և հայտարարի, որ Թուրքիան խառնվում է իրեն  չվերաբերող գործերին։

 -Պետք է հայտարարել, որ ոչ միայն չի նպաստում հարևանների միջև և Կովկոսում խաղաղության հաստատմանը, այլև ամեն կերպ խանգարում է դրան։ Մենք պետք է մեր իրական կորուստներն ու խնդիրերը ներկայացնենք, և որքան հնարավոր է՝ ակտիվ,-հավելել է ազգագրագետը։

7or.am