Տիգրան Խզմալյան. «Մեր արտաքին նոր քաղաքականությունը ոչ միայն կարող է, այլև պարտադիր պետք է հիմնվի մեր բարոյական գաղափարների վրա» 

7or.am 04/12/09

«Սարդարապատ» շարժման նախաձեռնող խմբի անդամ, ռեժիսոր Տիգրան Խզմալյանը «Սարդարապատ» շարժման կազմակերպած «Հայ-ադրբեջանական բանակցությունները» թեմայով կլոր սեղանի ժամանակ ասել է, որ արտաքին նոր քաղաքականությունը պետք է հմնված լինի ոչ միայն միջազգային հանրության ընձեռած հնարավորությունների, տնտեսական, ֆինանսական նոր ոլորտի ստեղծման վրա, այլ նաև բարոյական գաղափարախոսության։

-Մեր արտաքին նոր քաղաքականությունը ոչ միայն կարող է, այլև պարտադիր պետք է հիմնվի մեր բարոյական գաղափարների վրա, որովհետև դա է պատճառը, որ հայերը մերժում են մադրիդյան սկզբունքները, հայ-թուրքական արձանագրությունները, և դա այն պատճառով չէ, որ ներքին կամ արտաքին խնդիրներ կան, ոչ էլ այն պատճառով, որ մենք էշ ենք ու համառ ենք և չենք հասկանում մեր լավը, այլ միայն այն պատճառով, որ ազգը բնազդորեն զգում է, որ դա անբարոյական է։ Ես պնդում եմ, որ դա է այն ուղին, որը մեզ կտանի արտաքին և ներքին զարգացումների և հաղթանակների,-ասել է նա։