Տիգրան Խզմալյան. «Կհաղթեն այն քաղաքական կուսակցությունները, ովքեր կապավինեն աշխատավոր ժողովրդին»

«Սարդարապատ» շարժման նախաձեռնող խմբի անդամ Տիգրան Խզմալյանը «7օր»-ին ասել է, թե ոչ թե շարժումները պետք է քաղաքական հենարան փնտրեն գործող քաղաքական կուսակցությունների մեջ, այլ կկայանան և կհաղթեն այն քաղաքական կուսակցությունները, ովքեր կապավինեն իրական հենարանին։

-Հենարանն աշխատավոր ժողովուրդն է, մարդիկ, ովքեր բարիքներ են ստեղծում, ովքեր անտեսված են, որոնց մասին ընդհանրապես չեն խոսում, չի գրվում՝ գյուղացիները, բանվորները՝ մարդիկ, ովքեր ստեղծել են և պահում են այս երկիրը։ Մեր ամենօրյա կյանքում և պատերազմի դաշտում ո՛չ էստրադայի կեղծ աստղիկները, ո՛չ կեղծ քաղաքական գործիչներն իրենք չեն հենրանը,-նշել է Տ. Խզմալյանը՝ հավելելով, որ այն քաղաքական ուժը, որը կգիտակցի սա և որն իր վրա պատասխանատվություն կվերցնի ներկայացնել ժողովրդին՝ բանվորներին, գյուղացիներին, անտեսված մտավորականներին, նա էլ կառաջնորդի ստեղծված և ստեղծվելիք շարժումներն ու քաղաքացիական հասարակությանը։

7or.am 11.06.10