 |
Նորաստեղծ ՚Միացում'ի Մամուլի Ասուլիսը
"Միացում " նախաձեռնությունը սկսում է գործել
Azatutyun 30/10/08
"Հայաստանի
որեւէ իշխանություն պետք է
իսպառ
հրաժարվի Հայաստանի ազատագրված տարածքի ամբողջականությունը վտանգելու եւ երկրի
պաշտպանական համակարգը ոչնչացնելու գնով իշխանական լծակներն ու տնտեսական ապօրինի
մենաշնորհային արտոնությունները պահպանելու անիրագործելի մտադրությունից ", - ասված
է "Միացում " ազգային նախաձեռնության` այսօր տարածած անդրանիկ
հայտարարությունում, որի հեղինակները լրագրողների հետ հանդիպմանը ազդարարեցին
նորաստեղծ նախաձեռնության գործունեության մեկնարկը:
Նախաձեռնությունը ներկայացված էր բավական լայն կազմով` Ժիրայր Սեֆիլյան, Զարուհի
Փոստանջյան, Հրանտ Տեր-Աբրահամյան, Տիգրան Խզմալյան, Գրիզելդա Ղազարյան, Սեդա
Մելիքյան, Ալեքսանդր Քանանյան, Ալեք Ենիգումուշյան:
"Միացում " անվանումը պատահականորեն չէ ընտրված. ըստ ժիրայր Սեֆիլյանի, անցել
են "Լեռնային Ղարաբաղի հանրապետություն " ձեւակերպմամբ դիվանագիտական
խուսանավումներ կատարելու ժամանակները. - "Այսօրվա Արցախը փաստացի
սահմաններով, հայկական գերիշխանությանը ենթակա գտնվող տարածքներով պետք է լինի
Հայաստանի Հանրապետության մի մարզ կամ երկու մարզ ":
Ըստ Ազգային ժողովի պատգամավոր ( "Ժառանգություն ") Զարուհի Փոստանջյանի, վերջին 17
տարիներին ղարաբաղյան հակամարտության գոտում ձեւավորված համակարգը սպառել է իրեն:
Այն "փուխր է, անկայուն եւ սպառնում է ինչպես հայկական, այնպես էլ
ադրբեջանական կողմի անվտանգությանը ":
"Յուրաքանչյուր խախտում սահմանի, որը ներկայումս գոյություն ունի, կարող է
հրահրել պատերազմ, որը իհարկե ցանկալի չէ երկու պետությունների համար: Այդ իսկ
պատճառով, այն բոլոր բանակցությունները եւ խոսակցությունները եւ Հայաստանի
Հանրապետության իշխանության կողմից ներկայացված փաստարկները զիջումների,
փոխզիջումների վերաբերյալ, պետք է մենք հասցնենք մեր ժողովրդին, որ դրանք բոլորը
անընդունելի են ", - ասաց ընդդիմադիր պատգամավորը:
Նախաձեռնության անդամ Ալեքսանդր Քանանյանը, ով Քելբաջարի բնակիչ է, նախանշեց, թե
ինչ գաղափարով այսուհետ պետք է առաջնորդվի յուրաքանչյուր հայ գործիչ. - "Այսուհետ
ցանկացած անձ, ով պետք է կամենա գործել Հայաստանի քաղաքական դաշտում, պետք է
միանգամայն ընդունի, որ Հայաստանի տարածքը նվիրական, գերագույն արժեք է, առանց որի
անհնար է պատկերացնել ո’չ հայոց պետականությունը, ո’չ ժողովրդավարության հաստատումն
ու զարգացումը,
եւ
առհասարակ որեւէ կերպով Հայաստանի ապագան ":
Քանանյանը հավաստիացնում է, թե սա ամենեւին էլ ծայրահեղական մոտեցում չէ, ինչպես
կարող է թվալ. - "Իրականում հերիք է մի քիչ փորձագիտական հմտություն ունենալ,
պարզապես աչք եւ հայացք նետել քարտեզին, որպեսզի մենք հասկանանք, որ այն բոլոր
նվաճումները, այն բոլոր ազատագրված տարածքները, որոնք մենք ձեռք ենք բերել 92-94
թվականների ազատամարտի ընթացքում, այն նվազագույնի նվազագույնն են, որը կարող է
արեւելյան ճակատում ապահովել մեր երկրի տարածքային, տնտեսական կենսունակությունը ":
Ըստ
Քանանյանի, իրենց համար անընդունելի է նույնիսկ այն, որ Ղարաբաղը միջազգային
հանրության կողմից ճանաչվի անկախ պետություն` հարակից տարածքների վերադարձման դիմաց:
"Ազատություն " ռադիոկայանի հարցին, թե արդյո՞ք այս նախաձեռնության
տրամաբանությամբ անիմաստ չեն
դառնում Մինսկի խմբի շրջանակներում ընթացող բանակցությունները, պատասխանեց հենց
Ալեքսանդր Քանանյանը. - "Բանակցությունները դա քաղաքականություն է, որը
ընթանում է հնարավորի շուրջ: Մենք պարզապես հստակեցնում ենք զիջումների այն
նվազագույն նշաձողը, որից նահանջը կնշանակի մեր անվտանգության համակարգի ոչնչացում,
եւ ըստ այդմ` Հայաստանի գոյության հեռանկարային ավարտ ":
"Միացում " գաղափարի իրավական ընթացքը նախաձեռնողներն այսպես են պատկերացնում.
նախ` Արցախի անկախության ճանաչումը, ապա` միավորումը Հայաստանի հետ:
"Մենք կողմ ենք Հայաստանի անկախությանը, այլ ոչ թե դրա մի մասի անկախությանը
", - ընդհանրացրեց Տիգրան Խզմալյանը:
Տիգրան Ավետիսյան