Ժիրայր Սէֆիլյանի Մամուլի Ասուլիսը

Ժիրայր Սեֆիլյան. «Միմիայն արտահերթ նախագահական ընտրություններ»

ժամանակ Երեվան

10/07/08

"Սա քաղաքական պրոցես չի, սա դիմադրություն է: Կա կեղեքող համակարգ, կա ժողովուրդ, որը դիմադրում է այդ համակարգին", - ասաց նախկին քաղբանտարկյալ Ժիրայր Սեֆիլյանը երեկվա ասուլիսում:

'Ազատագրված տարածքների պաշտպանություն' հասարակական նախաձեռնության եւ ,Հայ կամավորականների համախմբմանե համակարգող, Շուշիի առանձնակի գումարտակի հրամանատարին ուղղված հարցերը Հայաստանի թե ներքին, թե արտաքին քաղաքական ոլորտից էին: Անդրադառնալով այսօրվա ներքաղաքական զարգացումներին` Ժիրայր Սեֆիլյանն ասաց. ,Դրական եմ գնահատում հատկապես մեր ժողովրդի զարթոնքը, իր իրավունքներին տեր կանգնելու պատրաստակամությունը: Օր օրի պայքարողների շրջանակը մեծանում է: Այս ընթացքի շնորհիվ է, որ գալիք ժամանակահատվածում կարող ենք նվաճումներ ունենալե: Իսկ ինչպե՞ս է վերաբերվում իր հայրենիքի եւ ժողովրդի համար կյանքը չխնայած նախկին հրամանատարը Ռ.Ք.-ի հերթական բարբաջանքին, թե մարտի 1-ի համար մեղավոր է Լեւոն Տեր-Պետրոսյանը. ,Եկել է այն ժամանակը, որ այդ մարդու հայտարարությունները չմեկնաբանենք: Նա ապացուցել է, որ ինքը հոգեկան հիվանդ է: Հոգեկան հիվանդի խոսքերի մեկնաբանությունները պիտի թողնենք համապատասխան մասնագետներին: Միաժամանակ պիտի զգուշանալ, որ այդ հիվանդը, որը վերածվել է հրեշի, որն այսօր վիրավոր վիճակում է, շատ վտանգավոր է: Այս իմաստով մեզ լավ օրեր չեն սպասվում. եթե հրեշը վիրավոր է, մինչեւ սատկելը պիտի նոր ավերածություններ գործի: Անշուշտ դա մեզ չի պարտադրելու, որ մենք մեր ուղին փոխենք կամ դադարեցնենք մեր քայլերըե:

Ղարաբաղյան խնդրի շուրջ Լեւոն Տեր-Պետրոսյանի հետ տարաձայնությունների մասին էլ նախկին քաղբանտարկյալն ասաց, որ դրանք չեն խանգարում միասին պայքարելուն գործող ռեժիմը կազմաքանդելու համար. ,Վերջերս Տեր-Պետրոսյանը մեղադրանքներ հնչեցրեց այսօրվա ռեժիմի հասցեին: Դրանց մեջ կար նաեւ Արցախյան խնդրի լուծման հարցը: Մենք դեմ ենք այս ռեժիմին, որովհետեւ չեն վերաբնակեցնում ազատագրված տարածքները, դեմ ենք, որովհետեւ բանակցությունները տարան սխալ ուղղությամբ եւ գնալով մեր գործը դժվարացնում են: Բայց մենք կողմ չենք, որ իրենք պետք է շուտափույթ լուծում տային Արցախյան հարցին, որովհետեւ համոզված ենք, որ, ըստ էության, Արցախյան հարց գոյություն չունի: Գոյություն ունի հայ-ադրբեջանական հարց: Արցախյան հարցի մասին խոսելիս անպայման Նախիջեւանի հարցն էլ պետք է արծարծվի: Այս համատեքստում պետք է ապագայում բանակցությունների ընթացքը տեղի ունենա: Ժամանակին Նախիջեւանն ու Արցախը միաժամանակ են բռնակցվել Ադրբեջանին եւ պետք է երկուսի հարցը միաժամանակ բարձրացնել:

Շոգի եւ քաղաքական ակտիվության մասին. ,Եղանակները ինչ-որ չափով ազդեցություն ունեն, բայց վճռորոշ չեն: Հիշենք ցուրտ օրերի բազմահազարանոց հանրահավաքները: Ամեն ինչ կախված է ժողովրդից: Ժողովուրդը շատ լավ հոգեվիճակում է: Մեր խնդիրները ավելի շատ կազմակերպական են, քան թե քաղաքական: Կարծում եմ` այս պրոցեսը չի դադարելու մինչեւ սրանք չհեռանանե:

Ինքնակոչ նախագահի հայ-թուրքական տրամադրությունների մասին. ,Չեմ զարմանում: Այդ մարդը պաշտպանության նախարար եղած ժամանակ պարտվողական հայտարարություններ է արել Արցախի հետ կապված. Աղդամը մեր հայրենիքը չէ, տարածքները պետք է վերադարձնել եւ այլն: Ճանաչելով իրեն եւ հետեւելով իր վերջին տարիների գործունեությանը` ասեմ, որ նա մեկ նպատակ է ունեցել. տիրանալ նախագահական աթոռին, հետո` դա պահպանել: Ամեն ինչի ինքը պատրաստ է: Ցեղասպանության զոհերի հիշատակը այդ մարդու համար ոչինչ է: Ղարաբաղը իր համար ոչինչ է: Իր համար մեկ խնդիր կա. աթոռը պահպանել: Լեւոն Տեր-Պետրոսյանը հայ-թուրքական հարաբերություններին կողմ է եղել, բայց միշտ շեշտը դրել է քաղաքականի վրա, ոչ թե ախպերության: Սրանք քաղաքականը մի կողմ են դրել եւ ասում են` գնում ենք ախպերության: Մենք նույնպես կողմ ենք այդ փոխհարաբերություններին` քաղաքական առումով` հանուն մեր երկրի անվտանգության, շահերի, բայց ոչ` ախպերական կամ` ոչ ի գին մեր պահանջատիրությանե:

Ինքնակոչի պահվածքի մասին. ,Ինքը ամեն ձեւով ուզում է ցույց տալ աշխարհի տերերին, որ ամեն ինչի պատրաստ է. Իրաք զորք է պետք` ուղարկում են, թուրքերի հետ ախպերանալ է պետք` ախպերանում են... Ինքը դա կատարում է դուր գալու համար եւ անում է հանուն իր աթոռիե:

Երկիրն ո՞վ է ղեկավարում` նախկի՞ն ինքնակոչը, թե՞ ներկա. ,Լծակները Ս.Սարգսյանի ձեռքում են: Նախագահի հրամանագիրը ստորագրելու գրիչը ում ձեռքում է, նա էլ ղեկավարում է: Սակայն փաստ է, որ Քոչարյանը վերադառնալու քայլեր է փորձում անել, քանի որ ինքը իրեն չի պատկերացնում առանց իշխանության: Մահ է դա իր համար: Աթոռը տակից քաշում ես, այդ մարդը մահանում էե:

Ռ.Ք. հայտարարության գնահատականը, թե եթե լծակներն իր ձեռքում լինեին, առաջին նախագահը ,նստած կլիներե. ,Կարող է եւ ֆիզիկապես վերացած էլ լիներ: Ամեն ինչ սպասելի է նրանիցե:

Վարչապետ Տ.Սարգսյանի, այսպես ասած, բարեփոխումների վերաբերյալ. ,Քմծիծաղով եմ վերաբերվում այդ բոլոր քայլերին, որովհետեւ հնարավոր չի այս համակարգում որեւէ բարեփոխում կատարել: Հնարավոր չի այս ճահճի մեջ որեւէ դրական բան անել: Տ.Սարգսյանն էլ գիտի այս մասին եւ դա գիտակցելով` ժողովրդի գլխին լոլո է կարդում: Սակայն հնարավոր չի մեր ժողովրդին խաբելե:

Արտաքին աշխարհում Հայաստանի դերի մասին. ,Եվ տարածաշրջանում, եւ համաշխարհային մասշտաբով մենք գործոն չենք: Այսօր տարածաշրջանային որեւէ նախագիծ Հայաստանի հանգամանքը նկատի չունի: Նույնիսկ Իրանի նման բարեկամ երկիրը Հայաստանի հետ լուրջ խնդիրների հետ կապված գնում է Մոսկվայի հետ բանակցելու: Այսինքն` մենք պետություն չունենք, սա ձեւականություն է, ֆիկցիաե:

Նոր ընտրությունների մասին էլ Ժիրայր Սեֆիլյանն ասաց, որ խոսել, առաջին հերթին, խորհրդարանական ընտրությունների օգտին, նշանակում է ռեժիմի ջրաղացին ջուր լցնել. ,Որովհետեւ Սերժը իր մտքում ունի, որ եթե ստիպված լինի` կգնա այդ քայլին, հույս ունենալով, որ նորից փողով, լծակներով հարցը կլուծվի: Սխալ է: Պետք է շեշտել միմիայն նախագահական ընտրություններ: Մինչեւ գլուխը չվերանա, մեր երկրում որեւէ ընտրության մասնակցելը ես անհեթեթություն եմ համարումե:

Ասուլիսից հետո եւս Ժիրայր Սեֆիլյանը սիրով պատասխանեց մեր այլ հարցերի.

- Ինչպե՞ս եք գնահատում Հատուկ քննչական ծառայության պետի` Վայոց ձորի մարզի դատախազին տրված հանձնարարության մասին հրապարակված հայտնի փաստաթուղթը:

- Համոզված եմ, որ Սերժիկը շարունակելու է բռնությունների մարտավարությունը այնքան ժամանակ, մինչեւ տեսնի, որ այլեւս ինքը ոչ մի հնար չունի այս երկրում ապրելու: Կարծում եմ` Սերժիկը երբեք երկխոսության չի գնալու Շարժման ղեկավարության հետ, մինչեւ վերջ կիրառելու է բիրտ ուժը եւ, անշուշտ, ձախողելու է: Մի օր մենք զարթնելու ենք ու տեսնենք, որ իրենք այս երկրից փախել են:

- ԵԽԽՎ արդեն երկրորդ բանաձեւը կա, որում նույնպես առաջնահերթ է համարվում քաղբանտարկյալների անհապաղ ազատ արձակումը: Սակայն որեւէ էական քայլ չի արվել այդ ուղղությամբ: Ավելին` նոր քաղբանտարկյալներ ,հավաքագրելուե քաղաքականություն է տարվում: