Ալեք Ենիգոմշյան. «Եվրախորհրդարանի բանաձևն ընդունվել է հայկական կողմի մեղքով»

 «Սարդարապատ» նախաձեռնության համակիր Ալեք Ենիգոմշյանը լրագրողների հետ հանդիպմանն այսօր անդրադարձավ Եվրախորհրդարանի կողմից մայիսի 20–ին ընդունված թիվ 2216 բանաձևին։

Նա բանաձևը որակեց «խայտառակ և խիստ վտանգավոր»՝ ավելացնելով, որ հիշյալ բանաձևի ընդունման համար մեղավոր է հայկական պետական, խորհրդարանական դիվանագիտությունը, ինչպես նաև հայկական լոբբին։

«Նշյալ բանաձևի նախ Եվրախորհրդարանի արտաքին հարցերի հանձնաժողովի և ապա լիագումար նիստում հաստատվելու փաստը ապացույցն է այն խղճալի իրավիճակի, որում գտնվում են հայկական պետական և խորհրդարանական դիվանագիտությունն ու այսպես կոչված հայկական լոբբինգը»,– հայտարարեց Ալեք Ենիգոմշյանը, միևնույն ժամանակ, չբացառելով, որ նման բանաձևի ընդունման գործում հնարավոր է՝ իր նպաստն է ունեցել նաև «եվրոպական մեծ դիվանագիտությունը»։

Tert.am 26.05.10