Ադրբեջանի բարձրաստիճան զինվորականների պատվիրակությունը գաղտնի այցելել է Իսրայել

«Asbarez.com»-ը գրում է, որ նախորդ շաբաթ Ադրբեջանի  բարձրաստիճան զինվորականների պատվիրակությունը գաղտնի այցելել է Իսրայել։  Իսրայելական աղբյուրները հայտնում են, որ ատրբեջանական պատվիրակությունը այցելել է Իսրայելի ռազմա-արդյունաբերական մի շարք ձեռնարկություններ և բանակցել է երկրի ռազմական ապահովման կառույցների հետ: Այցելության այլ մանրամասներ, ինչպես նաև ադրբեջանական պատվիրակության կազմի մասին չեն հրապարակվում:

Հատկնաշական է, որ նախկինում, հաշվի առնելով Իրանի և իսլամական այլ երկրների դիրքորոշումը, Ադրբեջանը զինվորական պատվիրակություն, այն էլ գաղտնի, չէր գործուղղել Իսրայել։

Ըստ ադրբեջանական «Ենի մուսավաթ» թերթի, հատկապես ռազմական ոլորտում,  Ադրբեջանի և Իսրայելի միջև համագործակցության նոր որակներ են ձևավորվում: Անցյալ տարի Իսրայելի նախագահ Շիմոն Փերեսի Բաքու կատարած այցի ընթացքում, երկու երկրների միջև ստորագրվեցին ռազմական համագործակցության վերաբերյալ մին շարք համաձայնագրեր։ Մասնավորապես,  Իսրայելի աջակցությամբ՝ Ադրբեջանում պետք է կառուցվի անօդաչու հետախուզական ինքնաթիռների և արդիական ռազմական տեխնիկայի գործարան:

 Ըստ Իսրայելական աղբյուրների, այդ համաձայնագրերը կյանքի կոչելու համար երկու երկրների միջև, վերջին տարիներին ընթանում են գաղտնի բանակցություններ:

«Հնարավոր է, որ ադրբեջանցի զինվորականների Իսրայել կատարած  այցելությունը  համագործակցության շրջանակներում է: Սակայն, կասկած չկա, որ Իսրայելի հետ Ադրբեջանի համագործակցությունը պետք է  անհանգստացնի հարևան երկիրներին: Մոտ ապագայում ակնկալվում է նաև Իսրայելի արտգործնախարար Ավիգդոր Լիբերմանի Բաքու այցելությունը»,-գրում է «Ենի մուսավաթ»-ը:

7or.am 06/02/10