Այսօր ՀՀ
քրեական վերաքննիչ դատարանը անփոփոխ թողեց Ժիրայր Սէֆիլյանի
և Վարդամ Մալխասյանի վերաբերյալ առաջին ատյանի դատարանի կայացրած վճիռները, իսկ
Վահան Արոյանի համար սահմանեց ավելի խիստ պատիժ: Ժիրայր Սէֆիլյանը
դատապարտվեց մեկ և կես տարվա ազատազրկման այն ատրճանակը պահելու համար, որը ստացել
էր որպես մարտական պարգև: Իշխանությունը զավթելու կոչերի համար դատապարտվեց միայն
Վարդան Մալխասյանը` 2 տարվա ազատազրկման: Վահան Արոյանի պատիժը կես տարով ավելացվեց,
որպեսզի նրա պատիժը ինչ-որ չափով ավելի լինի Ժիրայր Սէֆիլյանի
պատժից և նա նույնպես դատապարտվեց 2 տարվա ազատազրկման:
Ակնհայտ
կամակատար դատարանը այդպես էլ չկարողացավ հերքել պաշտպանական կողմի հիմնական
փաստարկներից և ոչ մեկը և այդ լույսի ներքո այդպես էլ չկարողացավ հիմնավորել
անարդար դատավճիռը: Դատարանի ցինիզմը հասավ այն աստիճանի, որ Ժիրայր Սէֆիլյանի
մարտական պարգև հանդիսացող ատրճանակի մասին հայտարարեց, որ այն տրվել է ինչ-որ
կարգի խախտմամբ, հետևաբար, այսքան տարի այն պահելը անօրինական է եղել:
Իրենց
վերջին խոսքի իրավունքից օգտվեցին նաև ամբաստանյալները: Մասնավորապես, Ժիրայր Սէֆիլյանը
շնորհակալություն հայտնեց դատարանում ներկա իր աջակիցներին, իրենց հետ միասին
չարչարվելու համար, համոզմունք հայտնեց, որ վերջը լավ է լինելու և պետք չէ
հուսահատվել: Ինչ վերաբերում է դատարանին ուղղված իր ասելիքին, Ժիրայր Սէֆիլյանը,
նշեց, որ նրան ասելու բան չունի, որովհետև սա դատարան չէ, այլ ընդամենը կամակատարն
է հանցագործ ռեժիմի, հնազանդ մի գործիք, որը ինքը ոչինչ չի վճռում և միայն
հրապարակելու է այն, ինչ իրեն ասվելու է: Ժ. Սեֆիլյանը
միայն համոզմունք հայտնեց այն մասին, որ, ի տարբերություն այս գործի պատվիրատուների,
իրենք վաղ թե ուշ դուրս են գալու բանտից, իսկ պատվիրատուները մի օր մտնելու են բանտ
ու այլևս դուրս չեն գալու այնտեղից:
Դատավճիռը
մտել է ուժի մեջ ու չնայած կարող է բողոքարկվել նաև վճռաբեկ դատարանում, սակայն
այնտեղ գործը կարող է անգամ չքննվել:
