|
Իգոր Մուրադյան. "Անմիջապես
ազատել Ժիրայր Սէֆիլյանի հայրենասիրական խմբակի անդամներին, հատուցել նյութական
կորուստները և ներողություն խնդրել նրանցից:"
(www.karabakh-open.com
27.03.08, ամբողջությամբ հոդվածը տես ռուսերենով)
Վերջերս Ռ.
Քոչարյանի գործողություններում նոր երանգներ է նկատել քաղաքագետ Գոր Մուրադյանը: Նա
Հայաստանի քաղաքական ղեկավարության անկախության դրսևորում է համարում առանձին
հասարակական և քաղաքական կազմակերպություններ արգելելու, ԶԼՄ-ներին "կարգի
հրավիրելու", ինչպես նաև ԼՂՀ անկախությունը ճանաչելու Ռ.Քոչարյանի ենթադրյալ
մտադրությունը: Քաղաքագետը միայն ցավում է, որ այս նորամուծությունները տեղի են
ունենում ոչ թե քաղաքական վերլուծության արդյունքում, այլ ներկայիս ղեկավարության
փակուղում հայտնվելու պատճառով: Մուրադյանը քիչ հավանական, բայց շատ ցանկալի է
համարում, որ Սերժ Սարգսյանը Քոչարյանից ժառանգի այս նոր քաղաքական գիծը:
Հեղինակը
կարծում է, որ, ի տարբերություն մոտիկ ու հեռու հարևան ազգերի, պահպանողական
նախասկզբի կրող հայ ժողովուրդը պետք է սկսի մաքուր էջից: Նոր կարգի հիմնարար
գաղափարախոսությունը պետք է դառնա քաղաքական ազգայնականությունը: Դրա համար այսօրվա
պայմանները շատ նպաստավոր են, որովհետև ներմուծված արևմտյան արժեքները, որ վերջին
տարիներին կարողացան իրենցով փոխարինել հայ հանրության անցյալի արժեքային
մոլորությունները, այնուամենայնիվ չկարողացան թափանցել հայության խորքային շերտերը
և այսօր պարտություն են կրում հայ ազգային գաղափարից, որը շարունակում է ապրել:
Ի.Մուրադյանի համոզմունքով պառլամենտարիզմի, ուղղակի և համընդհանուր ընտրական
իրավունքի, ազատական ձեռներեցության մասին ցնդաբանությունները բխում են Հայաստանում
իշխող քրեական-օլիգարխիկ համակարգի շահերից: Հայաստանի ներկայիս քաղաքական
ղեկավարությունը ուներ ազգայնական քաղաքականություն իրականացնելու բոլոր
նախադրյալները, սակայն հրաժարվեց դրանից միջազգային հարաբերությունների մասին կեղծ
պատկերացումների պատճառով: Հիմա Հայաստանի ղեկավարությունը պետք է կատարի քաղաքական
ազգայնականության անցնելու առաջին քայլը: Այդպիսի քայլ կարող է լինել Ադրբեջանի հետ
բանակցությունների դադարեցումը: Հեղինակը Սերժ Սարգսյանին տարատեսակ խորհուրդներ է
տալիս, որոնց մի մասը շատ վիճելի են և կարող են բռնապետական որակվել, մյուսները
համահունչ են ընդդիմության պահանջներին: Այդ խորհուրդների շարքում նա առաջարկում է.
"Բացառել
ազգայնական գաղափարախոսությունը կիսող մարդկանց քաղաքական համոզմունքների համար
դատապարտելու դեպքերը: Անմիջապես ազատել Ժիրայր Սէֆիլյանի հայրենասիրական խմբակի
անդամներին, հատուցել նյութական կորուստները և ներողություն խնդրել նրանցից
This site is © Copyright Azadakrum, All Rights Reserved.
|
